ReArk.org

«Եկեղեցական ճարտարապետություն և արդիականացում» ֆորումն իրականացվում է Նորարար փորձառական արվեստի կենտրոնի accea.info կողմից և Բաց հասարակության հիմնադրամի osi.am աջակցությամբ «Միջդիսցիպլինար հարթակների զարգացում» մշակութային ծրագրի շրջանակներում:

Ֆորումի նպատակն է դուրս բերել մասնագիտական եզրահանգում եկեղեցաշինության բնույթի և կերպարի արդիականացման վերաբերյալ՝ կարծիքների, պատկերացումների և առաջարկների մի խումբ, որը կձևակերպվի մանիֆեստի տեսքով:

Եռօրյա ֆորումի ընթացքում, որ տեղի կունենա 2013թ. մարտ ամսին, կքննարկվեն հետևյալ հարցերը.

• Եկեղեցի ինստիտուտի հանրային, քաղաքական և մշակութային դերը պատմության ընթացքում

• Եկեղեցի-ազգ կապը

• Եկեղեցու ձևաստեղծման հիմունքները պատմաքաղաքական և մշակութային կոնտեքստում

• Եկեղեցու կառուցվածքային տրամաբանության էվոլյուցիան

• Արդի եկեղեցաշինության խնդիրները (օրենսդրական, ընթացակարգային, ֆունկցիոնալ, կերպարային և այլն)

• Արդի եկեղեցաշինության պահպանողականության պատճառները

• Եկեղեցաշինության արդիականացման խնդիրը

• Ձևաստեղծման որոնումներն արդի եկեղեցաշինության մեջ

• Հոգևոր տարածք հասկացությունը, դրա ակտուալությունը, դերն ու բնույթն արդի հասարակության կյանքում

• Միջազգային փորձը եկեղեցաշինության արդիականացման և դրա հանրային դերի մեկնաբանման հարցում

• Եկեղեցիների ժամանակակից նախագծերի ներկայացում և վերլուծություն

Մասնակցությունը: Բանախոսությամբ կամ պրեզենտացիայով կարող են ներկայանալ բոլոր այն մասնագետները, ովքեր արված ուսումնասիրություն կամ նախագիծ ունեն վերոնշյալ թեմաների շրջանակում: Ներկայացված խնդիրներին կարելի է անդրադառնալ ինչպես Հայաստանի, այնպես էլ միջազգային պրակտիկայի օրինակով:

Բանախոսությամբ կամ նախագծի օրինակով ներկայանալու համար խնդրում ենք ուղարկել առաջարկվող զեկույցի թեման և հակիրճ նկարագրությունը մինչև սույն թվականի փետրվարի 28-ը` հետևյալ էլ. հասցեով` info@reark.org, ինչպես նաև կապվել հետևյալ հեռախոսահամարներով՝ 098 00 32 26 , 099 98 88 99:

Ֆորումի համադրող՝ Եվա Սարգսյան (ՌեԱրկ) yeva.sur@gmail.com

Ծրագրի ղեկավար՝ Սեդա Շեկոյան seda.shekoyan@gmail.com