ՌԵԱՐԿ ՃԱՐՏԱՐԱՊԵՏԱԿԱՆ ՄԻՋԱՎԱՅՐԻ ՈՒՍՈՒՄՆԱՍԻՐՄԱՆ ԿԵՆՏՐՈՆ
ReArk ARCHITECTURAL ENVIRONMENT RESEARCH CENTER
Churches in the Republic of Armenia
Նոր Նորք, Սբ. Սարգիս եկեղեցի
Սբ. Սարգիս եկեղեցու հիմքերը դրվել են 1998թ.-ին մայրաքաղաքի Նոր Նորք թաղամասում: Այն կառուցվել է Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի նախաձեռնությամբ և նյույորքաբնակ բարերար Սարգիս Գաբրիելյանի հովանավորությամբ: Եկեղեցին կառուցվել է նոր թաղամասում երկրի համար դժվար ժամանակաշրջանում, երբ ժողովուրդը՝ տնտեսական ու սոցիալական դժվարություններից հուսահատ, իր զավակների ապագայի հանդեպ անորոշությամբ համակված՝ բարոյականի վերարժևորման, հոգևոր մխիթարության և Աստծո […]
Սբ. Սարգիս եկեղեցու հիմքերը դրվել են 1998թ.-ին մայրաքաղաքի Նոր Նորք թաղամասում: Այն կառուցվել է Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի նախաձեռնությամբ և նյույորքաբնակ բարերար Սարգիս Գաբրիելյանի հովանավորությամբ: Եկեղեցին կառուցվել է նոր թաղամասում երկրի համար դժվար ժամանակաշրջանում, երբ ժողովուրդը՝ տնտեսական ու սոցիալական դժվարություններից հուսահատ, իր զավակների ապագայի հանդեպ անորոշությամբ համակված՝ բարոյականի վերարժևորման, հոգևոր մխիթարության և Աստծո աջակցության կարիքն ուներ:
Եկեղեցին կառուցվել է ճարտարապետ Բաղդիկ Արզումանյանի նախագծով: Եկեղեցու Սբ. Սեղանի Աստվածածնի նկարը մեծանուն նկարիչ Գրիգոր Խանջյանի գործն է: Նորակառույց եկեղեցին ճարտարապետական իր արժեքով պատիվ է բերում ինչպես նախագծի հեղինակներին, այնպես էլ շինարար վարպետներին և Մայր Եկեղեցուն: Շրջանաձևին միտող բազմանկյուն և եռահարկ այս կառույցը կատարված է հայկական ավանդական ճարտարապետության ոճով:
Եկեղեցու գլխավոր գմբեթի բարձրությունը 23 մետր է: Աղոթասրահը բազմանկյուն է և լուսավոր՝ 328 քառակուսի մետր ընդհանուր մակերեսով: Նրա ցանկացած անկյունից լավ երևում են բեմն ու ավագ խորանը: Աղոթասրահի սյուներն ավարտվում են 12 առաքյալներին խորհրդանշող բարձրաքանդակներով: Խորշերը նախատեսված են մոմավառության համար: Դրանց վերևում հատուկ օդափոխիչները եկեղեցու պատերը պաշտպանում են ծխից: Սբ. Սարգիսը Հայաստանի առաջին եկեղեցին է, որ ջեռուցվում է, և դա իրականացվում է մարմարյա սալահատակի տակ տեղադրված տաքացուցիչների միջոցով:
